نقرأ لنحيا

منظومة فريدة هتساعدك تبني علاقه حقيقيه مع القرآن

هتساعدك انك تعيش بالقرآن ومعاه وتكون علاقتك بالقرآن علاقه طيبه ومستمره

هدفنا ان القرآن الكريم يكون صديق ورفيق حقيقي في رحلة الحياه :

❀ لو جربتي كتير انك تقربي من القرآن الكريم وكل مره بعد مابتقربي تبعدي تاني والدنيا تشغلك وترجعي تقربي وبعدين تبعدي وترجعي وتبعدي وهكذا…

❀ لو نفسك تقربي من القرآن وتفهميه وتربطيه بحياتك ويبقى جزء من حياتك وحياة أولادك وعيلتك.. يبقى أهلا بيك

❀ معظمنا مابيعرفش يستمتع ويستمر في علاقته بالقرآن لأسباب كتير

❀ منها ضيق الوقت أو احساسنا ان القرآن صعب علينا ومش عافين نقرأه صح ولا عارفين نفهمه.

❀ أو لأننا مفتقدين الصحبه الطيبه المُعينه

❀ كام مرة لُمتي نفسك و حسيتي بالتقصير

❀ كام مرة حسيت بوجع وافتقاد للقرآن وصحبته.

في الأول خلينا نتفق على حاجة المنظومة دي فريدة من نوعها وأكيد هتساعدك باذن الله.

لو حد وعدك قبل كده إنك ممكن تبدأي طريقك مع القرآن وتخلصيه بأقصى سرعه يبقى ضحك عليكي … صحيح إنتي ممكن تبدأ في يوم وليلة … لكن للأسف الطريق عمره ماهيكمل والعلاقه هتفشل لأنك لم تأسيسي العلاقه بشكل صحيح

خليني أقولك فورا على منظومة نقرأ لنحيا

❀ خطوات عملية قدرت أوصلها الحمد لله بعد رحله اكتر من 30 سنه مع القرآن الكريم بعد تجارب كتير ومحاولات كتير للوصول لعلاق طيبه مستمره مع القرآن

❀ خطوات عرفت بيها ازاي ابنى بيها علاقه طيبه من غير تأنيب ضمير او احساس بالذنب ومستمره مش على فترات او متقطعه مع القرآن الكريم وكمان ساعدت ناس كتير إنهم يبدأوا طريقهم مع القرآن.

❀ خبرة سنين ومحاولاتك كثيره لأني اعيش مع القرآن الكريم وأفهمه وأعمل بآياته محاولات للحفظ والتثبيت وابحاث وتجارب طبقتها ومريت بيها هنقلهالك كلها بالإضافة إلى إن الخطوات دي بسيطة جدا وهنتعلمها مع بعض في كورس نقرأ لنحيا

القصة أكبر من مجرد كورس

❀ إنت هتكون جزء من حلم كبير بنحلم من خلاله نغير علاقة الناس كلها مع القرآن.

❀ وهتكوني جزء من مجتمع استثنائي هتلاقي فيه ناس شبهك كل واحد بيساعد التاني وبياخد بايده لنعيش جميعاً بالقرآن.

نقرأ لنحيا

هي عبارة عن نظام من ثمان خطوات هتقدري من خلالها تقربي من القرآن وتفهميه
وتعرفي ليه كان في عائق بينك وبينه وتكتشفي القرآن وتتحول العلاقه مع القرآن لصداقه وحب وتعلق

وبوعدك انك لو اتبعتي الخطوات كل يوم هيعدى في حياتك ان شاء الله هتقربي من القرآن أكثر وهتتقنيه أكثر
كل اللي هتحتاجيه هو كام دقيقه في اليوم كل يوم تطبقي فيهم الخطوات المختاره بعناية من خلاصة تجربتي ودراستي اللي هنقلهالك بالكامل

أول لما تبدأي تطبقي الخطوات اللي هنتعلمها هتحسي انك بتكتشفي القرآن وهتحسي بتأثير القرآن في حياتك
وهتحسي تدريجيا إنك بدأتي ترتبطي بيه ارتباط حقيقي وهتتخلصي من اللوم النفسي المستمر لتقصيرك معاه

وفي خلال وقت قصير ان شاء الله هيكون عندك علاقه مختلفه مع القرآن ده بالإضافة للأمان اللي هتشعري بيه والراحه اللي في حياتك

الكورس عباره عن:

في البدايه هنتعرف على القرآن بمنظور مختلف وهنعرف كيف وصل لنا القرآن الكريم بعد كده …. هنعرف ازاي ابدأ رحلتي واستمر مع القرآن الكريم عن طريق خطوات محدده.

الخطوات الثمانيه في منظومة نقرأ لنحيا

❀ هنتكلم كمان عن العوامل اللي هتساعدني في الرحله وايه الصعوبات اللي هتقابلني وأتعامل معاها ازاي

❀ هنعرف يعنى ايه تلاوة القرآن بمفهوم يخلينا نستفيد وننتفع بالايات

❀ هنفهم اكثر عن الحفظ وطرقه وازاي يكون حفظي ثابت

❀ وهنتعلم ازاي نأثر في اولادنا واحباءنا ونقربهم من كتاب الله سبحانه وتعالى

ده أسهل وأسرع كورس هيساعدك تكتشف اسرار العلاقه مع القرآن

نقرأ لنحيا

الكورس هو البدايه
هو الخطه والطريقه اللي بنمشي بيها بعد كده في الحلقات
بعد الكورس تقدرى تكوني معانا في الحلقات😍
حلقات التلاوه والتدبر
حلقات حفظ السور القصيره
حلقات حفظ السور الطويله
كل حلقاتنا فيها شرح للمعاني وتدبر
وفيها ايضا تصحيح تلاوه
وكمان هتكوني معانا في الخروجات🤩

اهم حاجه عشان ادخلي معانا الحلقات تبعتيلي اجابتك على الاسئله الموجوده في اللينك في آخر فيديو

كورس نقرأ لنحيا

عباره عن فيديوهات مسجله تقدري تشوفيها اي وقت يناسبك

قيمة الكورس كامل

٤٥٠ جنية

للحجز ولمزيد من التفاصيل برجاء الاتصال تليفونا أو عن طريق الوتساب

من 9 صباحا- 5 عصرا

عن هند عبد الوهاب

من صغرى الحمد لله اكتر حاجه بحبها وبتبسط وانا بعملها هي اني اقرأ القرآن بحب اسمعه واقرءه بترتيل .

الحمد لله حصلت وانا صغيره على شهاده اتمام حفظ القرآن الكريم من قسم تحفيظ القرآن الكريم بمكه المكرمه باشراف جامعة الامام محمد بن سعود الاسلاميه.
وحاليا مهندسه وطالبة القراءات بأكادمية الشيخ القصاص
ومقدمة برنامج نقرأ لنحيا
الهدف من البرنامج ترك بصمه في حياة وقلب كل من تريد ان تبدأ رحلتها مع القرآن وان تغير علاقتها به

حفظت القرآن الكريم مرتين كل مره بفهموم مختلف
المره الأولى وانا صغيره كان حفظ فقط بدون اي ادراك لقيمة ما احفظه او فهم لمعانيه
والمره الثانيه بارادتي وبغرض بناء علاقه قويه مع القرآن يكون فيها القرآن صديقي الحقيقي في الحياه هدفي بناء علاقه بمفهوم مختلف اكتشف فيها معاني القرآن

بحزن لما بشوف ناس كتير حواليا هاجرين القرآن اتمنى الناس كلها تحب القران وتعرف تقراه وتحب تتعلمه وتفهمه..

اتمنى كل الناس تجرب الحياه مع القرآن ❤️
الحياه مع القرآن أجمل..
تخيل لو القرآن الكريم هو صديقك ورفيقك في الدنيا كل ماتضيق بينا الدنيا نهجرها ونرتحل بين حروفه وتواسينا آياته ونفهم رسائل ربنا فيها تُسعدنا آيه وتشد عزمنا أخرى
السعاده بالقرآن لا يعرفها الا من اتخذ القرآن رفيقا❤️

اراء بعض الناس اللي حضرت الكورس

بفضل الله كنت حافظه جزء كويس من القرأن بس كنت حاسه انى طول الوقت فى مهمه رسميه عايزه احفظ وخلاص عشان اختم -بعد ما اتعاملت مع هند بدات افهم انه مش مهم خالص انى احفظ كميه كبير لاء انا ممكن احدد حتى لو ايه بس ابقى مستشعره بيها واحاول اطلع منها رسايل ربنا احسن بكتييير من انى احفظ عشر ايات ومش واصلى ربنا بعاتلى رساله ايه -حياتى اتغيرت كليا انا اللى بقيت بدور على الربع ساعه اللى ببقى فيها مع مصحفى وبحس انى لو معملتش الورد رغم صغره انى اليوم مش هيمشى ودا فعلا اللى بيحصل -هند حتى لو اتأخرت عليها يوم فى تسميع الورد تبدأ هى اللى تدور عليا وترجعنى تانى بأسلوبها الرائع الجميل جزاكى الله خيرا

أنا ممتنة جدا لربنا إنه رزقني بيكي لإني كان نفسي من زمان أحفظ قرءان بس كنت كل ما بروح لحد كانت طريقته بتقفلني و تبعدني أكتر عن القرءان. من أول يوم بدأنا و أنا مرتاحة نفسيا جدا معاكي و بدأت أقرب أسبوع ورا أسبوع من القرءان و بقيت بقراه أكتر و أسمع قرءان أكتر، بقيت بصلي بالسور اللي بحفظها و بدأت أحس بالصلاة أكتر من زمان و حاسة أن بقى في بركة في حياتي و هدوء من جوايا. ربنا يخليكي ويكرمك و يسعدك يا هند بحبك

من أهم و أصعب العلاقات في حياة الإنسان ،هي علاقته بالقران. و العلاقة دي عشان تفضل مستمرة محتاجة حد يعينك عليها. و الحد دا الصراحة مش حد يسمعلك كدة و خلاص،لا ،دا حد حاسس بيك و عارف بالوقعات إللي بتحصلك،و بيعرف بالراحة جدا و بدون ما تشعر يرجعك تآني للعلاقة دي بمنتهى الهدوء و الحب. حد يقولك مش مهم حفظت اد اية،المهم متسيبش المصحف. حد يخليك تروح للمصحف و إنت عايز تروحله،مش إجبار. حد عايش بالقرآن و للقرآن. الحقيقة ،أنا بقالي ٧ سنين بلف في حلقات، و اتعاملت مع معلمات كتير. بس مع هند الموضوع مختلف،لأنها شغلها الشاغل هو الحفاظ علي العلاقة المهمة دي. أنا فاكرة مرة كان عندي مسابقة و أعصابي كانت بايظة خالص و كنت مش هروح لأني محفظتش ولا راجعت إللي مطلوب مني. هند ساعتها كلمتني،و خليتني أقوم افط من مكاني و انزل المسابقة.... صحيح مكنتش أحسن حاجة،بس كنت خارجة فخورة بنفسي إني اتغلبت علي شيطاني و إني قدرت افصل بين علاقتي بالمصحف و المسابقة. و السبب في دا هو هند....... أشكرك يا هند عشان خلتيني احيا بالقران.

الرزق أنواع …معرفتي بكورس نقرأ لنحيا كان يمكن افضل ماحدث لي في السنوات الثلاث الأخيرة ..ذهابي لكورس نقرأ لنحيا كان صدفه بحته ..وأكيد ده التوقيت اللي ربنا سبحانه وتعالي أراد لي تحقيق شئ كنت أراه معجزة لايمكن تحقيقها وهي حفظ البقرة وآل عمران ..الزهراوين..الحمد لله رب العالمين كانت أمنية وتخيلتها مستحيله، من فضل ربنا عليا اني عرفت هند .. هدوئها وصبرها واجتهادها والتزامها بيجعل من حلقاتها وقت ممتع ، نسعي للتواجد فيه سواء لتصحيح التلاوة او الحفظ او التفسير والتدبر ..وفقرة التدبر دي بتثري الحلقات بكم مذهل من التساؤلات والأفكار و والأحاسيس وازاي احيانا كل واحدة في الحلقة تستوقفها آيه معينة ومعني معين سبحان الله وتدير هند وقت ممتع للنقاش ..الحمد لله كثيرا علي نعمه.. اسأل الله العلي العظيم ان يجعلنا جميعا من حفظة كتابه ..وان يجعل حفظنا له شاهد لنا لا علينا ويرزقنا الاخلاص في القول والعمل .